[('nr.input.test.jpg', ['"Maqhinga, uyarhapha yi?" Kubuza uMakgwayeja selathoma ukuhle-\nngezela ngesibanga sevalo.\n\n"Ngirhapha njani?" Kuraga uMaqhinga. "Wena uthi sifike njani ema-\nzindlenapha yi? Usawakhumbula nje wona amazindla la? Ngawekosini\nuMkhwephetjhe lapha wangingcwaba khona."\n\n"Yi?" UMakgwayeja athi ru alunguze godu.\n\n"Iye, ngiwo." Kutjho uMaqhinga naye selajame eqadi komnganakhe.\n\n"Yendoda, utjho ukungitjela bona umuntu gade alele eqadi kwezindla\nlekosi uMkhwephetjhe? Yena\xadke alele embhedeni. Alo uphi umbhede\nloyo?" Kubuza uMakgwayeja ararekile.\n\nUMaqhinga aphendule ngokuthi izindla lekosi uMkhwepetjhe kufane-\nle liqaleke njengombhede ngombana liseselitjha yeke ihlabathi ayikabo-\nhli. Arage, "Nje-ke ngathana izulu khelana ebusuku, bewuzakubona\namadoda amabili athaya emanzini ngapha nangapha kwezindla lekosi\nuMkhwephetjhe."\n\n"Hayi, lisa ukungihlekisa wena." Kutjho uMakgwayeja selaqaleka\nimumuntu ofuna ukuhleka kanti gade ararekile. Asathi asahleka seku\xad\nthi tjhazi ilifu elinzima nakakhumbula egade kusenzeka kuye ebusuku.\n\n\' Ezwakale selasithi, "Yendodekhethu, akhe sihlale phasi ngikudembele\nengikubone ebusuku. Ngikhumbula kuhle kwanjesi bona wena akhange\nubonento ngombana gade urhona kudume intatjana leya." Atjho akho-\nmba tjhubelo uMakgwayeja.\n\n"Uyangirhwayela, uthi ngihlale njani iinkhondo ziqedwe nguMkhwe-\nphetjhe nje." Kubalabala uMaqhinga alinga ukuhlala phasi kodwana\nkwabhala ngombana athunukala.\n\n"Alo, kgani sihlale bubhambalala?" NguMakgwayeja loyo naye akeku-\nlu ipi yokuhlala phasi. Bobabili baphethe ngokubhambalala.\n\n"Etjhu! Nanti ibhurugu lingikhubaza!" Kurhuwelela uMaqhinga.\n\n"Agu, Maqhinga lisa ukulila inga umufazi nje." Kukhalima uMakgwa-\nyeja naye akekenisile ngesibanga sobuhlungu.\n\nKodwana bazakwenza njani nje? UMaqhinga avele neqhinga lobana\nkungabanjani nabahlubula amabhurugu abathunukako la bazihlalele\nbhunubhunu. Ekanyeni besabani kanti ngombana madoda bobabili nje.\nBathi bayahlubula amabhurugu athi *ngeke*. Anamathele emancebeni.\nYeke sele akokorene. Awa, kubudisi nakunje. UMakgwayeja abuze bo-\nna bazawahlubula njani ngombana naka mabhurugu layo anamathele\nnje. Omunye athi bhedere bawathambise mantanzi.\n\n"Sizowathambisa ngani?" Kubuza uMakgwayeja.\n\n"Asikhambe siyokuhlala nofana sizihlikihle ngombethe." NguMaqhi-\n40\n'])]