[('nso.input.test.jpg', ["Mpho eupša ka ge ke ile ka bolela naye ka bogale, ke be ke holofela\ngore bjale o kwele. Hlogo ya sekolo e be e tšhošeditše ka la gore ge a\nka hlwa a sa dira se sengwe seo se arogilego, o tla kobja sekolong. Ke\nbe ke sa kgolwe le mohla o tee gore nka hwetša Mpho maemong ao\nke mo humanego go ona le gore a ka ntira tšona tšeo a bego a ntira\ntšona. Ka mokgwa wo ke bego ke nyamile ka gona, ke be ke sa\ntshephe gore se gona seo se ka nkhomotšago. Ke be ke sa llele kudu\ntšhelete yeo ke e lobilego ka dipuku le diaparo le dilo tše ka moka\nmola Mpho a thomago sekolo, ke be ke llišwa ke ge a be a hloka\ntebogo le tlhompho ya go kwela mašeleng ao ke bego ke a šomela ka '\nbohloko mme ke mo fa ona ka lethabo ka kholofelo ya gore o dira tša\nsesadi. Ke be ke thoma go kwešiša gore mašeleng ao a nkgopelago\nona ka mehla o a nyakela eng a bile a felela kae.\nMohlomongwe ke be ke tla swarela Mpho mola a ntlhomphe a se ke\na dio sepela le mothaka gona mo pele ga ka. Cape go dira bjalo ke go\nnnyatša kudu. Seo bagwera ba ka ba bego ba mpotša sona, se be se\nna le moko. Bakeng sa go hwa ke sa tsebe le seo ke se hwelago, go be\ngo se bokaone bja go feta go tlogela Mpho ka fao a lego ka gona. Tše\nntši re tla di bona, ke ile ka fetša ka go realo. O tsebe gore o be a šetše\na rwele dipalamonwana tša ka. Ka manyami le gona ka pelo ye boima,\nnna le bagwera ba ka re ile ra boela mošomong.\nDibeke tše pedi tše di latelago ke ile ka amogela lengwalo leo le\ntšwago go Mpho la go mpotša gore o bona o ka re nna le yena re tla\npalelana. E bile lona la mafelelo ge ke kopane le Mpho mohla wola ke\nmmona kua sekolong, a nama a tšwa bophelong, moyeng le monaga-\nnong wa ka. Ke ile ka ikhomotša ka la go re go ja monna ga se go mo\nfetša. Go realo e be e se go dira selo ka gore ke be ke lobile go fedile.\nNako le yona e be e ntšhabetše Ke na le bana ba ba selelago,\nmasogana a mane le barwedi ba babedi. Ke godile bjalo ka gore ke\nna le mengwaga ye masome a a šupago le go šoma ga ke sa šoma.\n\\ Bana ba ka le bona ba godile ba bile ba na le malapa a bona ka moka.\nKgole ke mo ke tšwago mme ge e le bjale e fula e okametše ka\nleopeng, borwa bo ka no foka nako efe goba efe. '\nMpho le yena o godile ka gore o swanetše go ba a obelela masome a a\nselelago a mengwaga. O dula gona mola lapeng la mmagwe fao a\nbelegetšwego gona. O na le bana ba babedi, lesogana le lekgarebe le\nge e le gore o phela a nnoši mo mabakeng a mantši ka ge morwa a\ndula le mosadi fao a šomago gona mola morwedi a nyetšwe. Thaka\ntša rena tše ntši di šetše di fulere ge e se rena. Rena ba babedi re fetša\n23\n"])]