[('ss.input.test.jpg', ['LAMSOMI: Kukhona lonconcotsako emnyango.\n\nLASIBANDZE: Ngena!\n\nLAMSOMI:\n\nLASIBANDZE: Yebo ntfombi. Kunjani?\n\nSIDZANDZANE: Ngiletse nansi incwadzi.\n\nLASIBANDZE: Ibuyaphi mntfwanami?\n\nSIDZANDZANE: Bayibite esikolweni etincwadzini teliposi\nlalamuhla.\n\nLASIBANDZE: (Ayemukela) Ngiyabonga mntfwanami, uyeva?\n\nSIDZANDZANE: Yebo make, nisale kahle.\n\nLAMSOMI: (Asukuma) Ngiyabuya ngisaya endlini lencane.\n\nLASIBANDZE: Kulungile dzadze, nami sengitawusale ngifundza\nlencwadzi. . . Mhhh-hhh (Ayivula) ibuya kuManzi ingabe utsini\numfana wami?\n\nSIGABA III\n\n(Manzi unesingani sakhe Luhleko.)\n\nMANZI: Uyahamba kuya ekhaya kulemphelasontfo lendze?\n\nLUHLEKO: Umuntfu angahlala lapha enteni nje?\n\nMANZI: Letinsuku tincane, mine ngitawuhlala ngobe . . .\n\nLUHLEKO: Utawuhlala bantfu baya emakhaya kuyowudla\niPhasika?\n\nMANZI: Baningi labatawusala.\n\nLUHLEKO: Ngwanase wenta njani yena?\n\nMANZI: Hha, loyo akamani ahlalahlale lapha esikolweni\nNgwanase uyatsandza ekhaya kubo.\n\nLUHLEKO: Uyati ikhona intfo lengitsi ngitakutjela yona\nngikhohlwe. Nj alo nje nanginawe ngiyayikhohlwa.\n\nMANzI: Yini leyo?\n\nLUHLEKO: Mzukwana siiika ngeNdlovana . . .\n\nMANZI: Nyase?\n\nLUHLEKO: Cha-ke, lonyaka.\n\nMANZI: Kwenta njani-ke?\n\nLUHLEKO: Uyakhumbula utawutfumela Ngwanase kuba angibite\nngatsi mine ngisaya eMahhala.\n\n53\n'])]