[('ts.input.test.jpg', ['swinene. U lo na heta ku n\'wi rhidimba, o n\'wi hlongola,\na ku: "Famba eka rikwenu. U nga ha tsemakanyi laha\nmutini wa mina. A ndza ha lavi ni ku ku vona ni siku ni\nrin*we." Kutani Ngwana-Makwala a longa swingolongo-\nndzwana ni switlakati swa kwe a ya eka rikwavo. A a nga swi\nkoti ni ku famba hi mafidzula ya nhonga ya nuna wa yena.\nTinyonga ni nhlana a swi omile, swi pandza i nga ku o lo\npyanyiwa hi golonyi. Nhloko ya yena yi tika i nga ku u lo\nrhwala ntshava ya Rivola. Hambi swi ri tano u tsotsombe a\nkala a ya fika eka rikwavo a nga ha koti nchumu. Vamakwa-\nvo va twa ku vava loko va nwi vona. Kambe a swi va ko-\nhlangi ni switsongo leswaku nandzu i wa yena hikuva ni loko\na ha ri kwalaha kaya a a ri nhloko-xa-pandza. Mpfhuka a\nhloma a va phyuphyile, va dya byi rhelela, va nga phiriwi hi\nmunhu. A va wisile ku dya phiriva. A va nwi hlongolangi,\nva lo niwi ongola, hikuva xuma xo lovola yena a xi dye hi\nvona, va titekele hi xona vasati. Va tshamile na yena masi-\nkunyana, kutani va vandzekela nkungu wa byalwa byo n\'wi\ntlherisela evukatini va nga si phirhwana na yena. U lo na\nfika evukatini va ka vona va vulavula na Xede, va twanana,\nva pfulela nkungu va mukisana ni byalwa va kukutlela va\nkondza va ku nde. Mahungu ya nga ha heli hikuva se xa-\nmbisa-mahungu a xi va nghenile etihlokweni.\nNgwana-Makwala a nga yimelangi ku aluriwa, u lo tiyela\nemahlweni ni mitirho ya yena. Vavasatikulobye vo monya,\nva sandza va titshamele ekule, hi ku tiva leswaku loko vo\nniwi sungula, a va nga poni na vona ku hluvuriwa tinguvu hi\nririmi ra Ngwana-Makwala. Loko va vona swi nwi pfukerile\na vo hambana na ye va nwi tshiketa a timbvongela a ri yexe\ntani hi nyoxi loko yi levile, a tlhela a vohla hi yexe. Kambe\nXede yena a nga tshiki ku nwi holovela. Leswi Ngwana-\nMakwale a a ha yi twile nhonga, loko a vona Xede a karihile,\na a nga hlekuli kumbe ku nwi khaga hi marito, hikuva a a\nnga ta lamulela hi munhu. Hikwavo a va to: "Aredzi,\nXimita-nhengele o tshemba mikolo ya kwe." Va n*wi tshi-\nketa a xambirika a ri swakwe. Hi ta sukela Ngwana-Makwale\nni xifafa xa kwe hi landza Masungi hi ya vona leswi a nga endla\nswona loko a sukile ehubyeni ni kokwa wa yena Maxele va\ntlhelela ekaya va pemberile ehubyeni.\n6 39\n'])]