[('ve.input.test.jpg', ['funzedzela ṅwana hoyo uri a lambe munna we vhone vhabebi vha mu\nṋea. Zwino nṋe ndi khou u u vhudzisa uri mafhungo aya ane uyu muhu-\nlwane a khou amba ndi one na, kana a si one? Huno nṋe ndi tshi fhindula\nnda amba uri haya mafhungo a si one ndi mazwifhi; huno nda mbo ḓi\nmu toololela ngoho yao yoṱhe nga vhudodombedzi, u vuwani ha nndwa\nya havha muhulwane na ṅwana wavho, u vhuya u swika kha tshiimo\ntshine mafhungo aya a vha khatsho ḓuvha ḽa ṋamusi. U pfa mafhungo\naya sipikiṱere ndi afha a tshi vho thoma u sanda zwiito hezwi zwa Vho·\nḼiwalaga. Fhungo ḽe ḽa mu dinesa ḽa vha heli ḽa u hanela hoyu ṅwana a\ntshi ya tshikoloni nga bazari yo bvaho nga khae.\n\n"Huno a fhedza nga u amba zwauri havha Vho·Ḽiwalaga u vha humisa\nkha haya mafhungo, u ḓo tou vha vhudzela madzhisiṱaraṱa uri a vha\nsemele haya mafhungo ane vha khou ita.\n\n"·Ndi one mafhungo e nda ḓa ngao fhano ṋamusi.”\n\n"Aiwa, vho ita zwone vha ḓa vha ri vhudza, vhunga ro vha ri sa ḓo\nḓivha tshithu.\n\n"Zwino avha munna vha tshi vho ḓo wana mafhungo aya o.no swika\nha khomishinari, a si hone vha tshi ḓo tou lwa yone nndwa khulu-shu\ntha hezwino hu ḓo tou nga hu sa fa muthu.” Vho-Ṋegumela vha\ntshi vha fhindula vha ri, "Vha ḓo lwa hani na riṋe hafhu a si riṋe ro a\nswikisaho ha madzhisiṱataṱa, vhe vhone vhaṋe vho ḓipotaho." Musandiwa\ne fhaḽa a tshi fhindula·vho a ri, "Vha nga si lwe na muthu kha haya ma·\nfhungo, tenda vha tshi ḓo vha vhe vhone vho ḓipotaho.\n\n"Madzhisiṱaraṱa arali o vha a tshi tou vha sema nandi, uri nṋe vha si\ntsha ntsema lini. Ngoho havha khotsi anga vha khou ntshengedza lune\nmuthu a ri ṱhaṅwe nazwino nṋe a thi ṅwana wavho lini.”\n\nVho-Ṋegumela vho fhedza nga u amba zwauri ḽiṅwe ḓuvha vha do ya\nha sipikiṱere u pfa arali nangoho madzhisiṱaraṱa o vha ita zwe a amba\nzwone. Phindulo ine vha ḓo i wana vha ḓo ḓa vha vha vhudza havha.\n\nZwino hu mbo ri muṅwe musi mafheloni a vhege yeneyi ya u ranga ya\nnwaha wonoyu, nga tshifhinga tsha musi ḓuvha ḽi tshi vho ṱoḓou ri nzanza,\nasivha Vho-Ḽiwalaga vha nḓilani ya u ya hayani, vha khou tshimbila nga\ngondo ḽia ḽi no fhira nga tsini na fhala hune vhana vha muvhundu uyu\nwa havho vha tamba hone. Vha tshi swika henefha vha khou mbo ḓi\nthithithi na Vho-thitshara Muleka.\n\n"Ḽo kovhela Vho-Muleka. Ha, hu tou ita hani Vhothitshara? Hai, ri\nvha ṱuvha zwavho vhe henefha·shu?"\n\n"Ndaa, Vho·Ḽiwalaga! Aiwa, ri hone, ri vhulahwa nga tshilimo,\nfhedzi haya maḓuvha e vha vha vha sa mmboni ndo vha ndo ya u dala\nDurban, ndo vhuya vhege yo fhiraho.”\n\n"Tsho, Ndi zwone zwe nda vha ndi si tsha vha vhona. Zwi amba uri\ntshikolo tsho ri u vala vhone vha mbo ḓi ṱuwa?”\n\n"Ee, ndo mbo ḓi ṱuwa.”\n\n"Ha, Vho·thitshara, nṋe hafhano ndi khakhathini ya mafhungo.\nMafhungo haya vhone vho a sia hezwi vha tshi ya Durban, vhunga o\n\n49\n'])]